نرخی دۆلار لە عێراق و هەرێم نزیکەی دوو هەزار دینار بەرزبووەوە
ئەمڕۆ لە بازاڕەکانی عێراق و هەرێمی کوردستان، نرخی 100 دۆلاری ئەمریکی بەرزبوونەوەیەکی بەرچاوی تۆمارکرد و نزیکەی دوو هەزار دینار زیادەی لەسەر کرا.نرخەکە لە هەولێر بەردەوام بەرزدەبێتەوە
ئەحمەد حاجی سابیر، کە ئاڵوگۆڕکاری دراوە لە بازاڕی دۆلارفرۆشانی هەولێر، ڕۆژی دووشەممە ڕایگەیاند کە تا کاتژمێر 13:45ـی نیوەڕۆ، نرخی 100 دۆلار گەیشتووەتە 143 هەزار و 400 دینار. لە بەیانیدا کاتی کردنەوەی بازاڕدا، هەمان بڕ بە 141 هەزار و 300 دینار بوو، کە ئەمەش بەرزبوونەوەی بەردەوامی نیشان دەدات لە ماوەی کاتژمێرەکانی رۆژدا.سلێمانی و شارەکانی دیکەی عێراق هەمان دۆخیان هەیە
لە پارێزگای سلێمانیش، دینار بە هەمان ڕێژە دابەزی و نرخی 100 دۆلار گەیشتە 143 هەزار و 500 دینار.پێنج مانگە دینار ئەم دابەزینەی نەبووە
حاجی سابیر ئاماژەی بەوە کرد کە لە ماوەی پێنج مانگە لە رابردوودا، دینار بەرامبەر بە دۆلار ئەو جۆرە دابەزینێکی نەبینیوە.دەنگۆی بەرزکردنەوەی نرخی فەرمی لەلایەن بانکی ناوەندییەوە
بەپێی زانیاری بەدەستهاتوو، دەنگۆکانی بەرزکردنەوەی نرخی فەرمیی دۆلار لەلایەن بانکی ناوەندیی عێراقەوە، وەک هۆکاری سەرەکی ئەم دابەزینە باس دەکرێن. هەوڵی پەیوەندیکردن لەگەڵ بەرپرسانی بانکی ناوەندی درا، بەڵام هیچ یەکێک لە بەرپرسە باڵاکان ئامادەیی لێدوان دان نەبوو، بەشێکی دیکەشیان وەڵامیان نەدایەوە.نرخی فەرمیی بانکی ناوەندی
لە ئێستادا، بانکی ناوەندیی عێراق 100 دۆلاری ئەمریکی بە 132 هەزار دینار دەفرۆشێت، کە جیاوازییەکی بەرچاوی لەگەڵ نرخی بازاڕی ئازاددا هەیە. 10 بینین
